Шығыста қар жауып, үш өңірде аяз болады

АСТАНА. KAZINFORM — «Қазгидромет» РМК 8 қазанға арналған ауа райы болжамын ұсынды. 

Синоптиктер бүгін республиканың шығыс өңірлері жауын-шашынды болатынын айтады. Атмосфералық фронталды бөліктердің әсерінен бұл аумақтарға жаңбыр жауып, қар түседі.

Антициклон жотасы еліміздің өзге өңірлерінде жауын-шашынсыз ауа райын қалыптастырады. 

Республиканың оңтүстік-батысында, оңтүстігінде, оңтүстік шығысында жел күшейеді. Шаңды дауыл тұрып, батыс пен солтүстікте және шығыста түнгі және таңғы уақыттарда тұман болады.

Алматы мен Жетісу облысында 1-6 градус аяз болып, Жамбыл облысының таулы аудандарында 1-3 градус үсік жүреді. 

Бұған дейін ауа райына байланысты бірқатар өңірде ескерту жарияланды.