11:27, 06 Қараша 2024 | GMT +5
Шымкентте көпірден секірмек болған қыздың әрекеті видеоға түсіп қалды
ШЫМКЕНТ. KAZINFORM – Оқиға орнына жеткен тәртіп сақшысы бойжеткенді құтқарып, қауіпсіз жерге алып шықты.
Оқиға кеше түнде болған. Көше қиылысындағы көпірден секіргелі тұрған қызды көрген кездейсоқ куәгер бірден полицияға хабар берген. Бір жарым минут ішінде оқиға орнына жеткен патрульдік полиция инспекторы Мейіржан Барат көпір қоршауына шығып тұрған қызды бірден ұстап алып, қауіпсіз жерге алып шықты. Бұл әрекеттің барлығы полицейдің бейнежетонына түсіп қалған.
«Қуанышқа орай, мен жақын жерде болдым. Үлгердім. Бұл менің міндетім», - дейді тәртіп сақшысы.
Шымкент қаласы полиция департаментінің баспасөз қызметі қазіргі таңда тұрғынның өмірі мен денсаулығына қауіп төніп тұрған жоқ екенін айтты.
