Шымкентте жыныстық қызмет көрсеткен сауна анықталды - ІІМ

АСТАНА. 13 наурыз. ҚазАқпарат - Оңтүстік Қазақстан облысы ұйымдасқан қылмысқа қарсы күрес басқармасының қызметкерлері Шымкент қаласында жеңгетайлықтың екі фактісін әшкереледі. Бұл туралы бүгінгі баспасөз мәслихатында ҚР Ішкі істер министрлігінің баспасөз хатшысы Нұрділдә Ораз мәлім етті.

Арнайы шара барысында жыныстық қызмет көрсету мақсатында жезөкшелер қызметін ұсынған 43 жастағы екі сауна әкімшісі құрықталды. Олардың үстінен қылмыстық іс қозғалып, қаладан шалғай жерге шығуға тыйым салынды.