СҚО білім басқармасына жаңа басшы тағайындалды
ПЕТРОПАВЛ. KAZINFORM – Солтүстік Қазақстан облысы әкімінің өкімімен Айнагүл Сұрағанова білім басқармасының басшысы болып тағайындалды.
Айнагүл Сұрағанова 1974 жылы туған. 1999 жылы М.Жұмабаев атындағы Петропавл гуманитарлық колледжін бітірген, 2003 жылы М.Қозыбаев атындағы Солтүстік Қазақстан университетін, 2016 жылы Ресейдің Омбы мемлекеттік педагогикалық университетін тәмамдады.
1993-1996 жылдары - Солтүстік Қазақстан облысы Аққайың ауданының Аралағаш орта мектебінің бастауыш сыныптардағы мұғалімі;
1996-1997 жылдары - Петропавл қаласындағы № 1 кәсіби-техникалық мектебінің қазақ тілі оқытушысы;
1999-2004 жылдар аралығында Аққайың ауданы, Рублевка орта мектебінің қазақ тілі мұғалімі, директордың орынбасары болып еңбек етті.
2004-2006 жылдары - СҚО Білім басқармасының орта білімді үйлестіру және дамыту бөлімінің бас маманы;
2006-2012 жылдары - Петропавлдағы Дарынды балаларға арналған қазақ-түрік лицей-интернаты директорының оқу-тәрбие ісі жөніндегі орынбасары;
2012-2017 жылдары - Петропавлдағы №23 орта мектеп директоры;
2017-2019 жылдары - Петропавл қаласы әкімдігінің білім бөлімі басшысы;
2019-2022 жылдары СҚО білім саласында сапаны қамтамасыз ету департаментінің басшысы болды.
2022 жылдың 1 қарашасынан осы тағайындауға дейін Қостанай облысының білім саласында сапаны қамтамасыз ету департаментінің басшысы болып еңбек етті.
Бұған дейін Нұрбол Жұмасқалиев «Тобыл» клубының бас бапкері болып тағайындалғанын жазған едік.
