СҚО мен Ақтөбе облысында үсік жүреді - Қазгидромет
АСТАНА. KAZINFORM – Синоптиктер республиканың 13 облысында ауа райына байланысты ескерту жариялады.
«Қазгидромет» болжамынша, 15 мамырда Абай облысының батысында және солтүстігінде найзағай ойнайды. Оңтүстік-батыстан солтүстікке, солтүстік-шығыстан батысқа, облыстың солтүстігіне 15-20 м/с жылдамдықпен жел соғады. Абай ауданының оңтүстігінде және Үржар ауданында жоғары өрт қаупі сақталады.
Күндіз Атырау облысының оңтүстігі мен шығысында найзағай ойнайды. Солтүстік-шығыстан жел соғады, күндіз найзағайдың екпіні 15-20 м/с болады. Облыстың солтүстік-батысында жоғары өрт қаупі сақталады. Атырау: 15 мамырда күндіз найзағай ойнайды.
Жетісу облысының Алакөл көлдері аймағында оңтүстік-шығыстан жел соғады, екпіні 15-20, күндіз кей жерлерде 25 м/с болады. Облыстың шығысында жоғары өрт қаупі сақталады.
Таңертең және күндіз Түркістан облысының солтүстігінде, батысында, таулы аймақтарында найзағай ойнап, нөсер жауын жауады. Оңтүстік-батыстан соғатын желдің жылдамдығы секундына солтүстікте, батыста, облыстың таулы және тау бөктеріндегі аудандарында 15-20 метрге, күндіз екпіні 23 м/с-ке жетеді. Облыстың шөлейтті аймақтарында аса жоғары өрт қаупі сақталады.
Шымкент: 15 мамырда оңтүстік-батыстан соғатын желдің екпіні күндіз 15-20 м/с-ке жетеді.
Түркістан қаласы: 15 мамырда таңертең және күндіз найзағай ойнап, бұрқасын соғады. Таңертең оңтүстік-батыстан соғатын желдің екпіні 15-20 м/с.
15 мамырда Шығыс Қазақстан облысының оңтүстік-шығысында жоғары өрт қаупі сақталады.
Солтүстік Қазақстан облысының батысында түнде және таңертең тұман түседі. Облыстың солтүстігінде, шығысында, оңтүстігінде солтүстік-батыстан жел соғады, екпіні 15-20 м/с. Түнде облыстың батысында - 3 градус үсік жүруі мүмкін.
Петропавл: 15 мамырда солтүстік-батыстан соғатын желдің екпіні күндіз 15-20 м/с-ке жетеді.
Түнде солтүстікте, шығыста, Ұлытау облысының орталығында, күндіз облыстың шығысында найзағай ойнайды. Түнде және таңертең солтүстікте, облыстың орталығында тұман түседі.
15 мамырда түнде Қарағанды облысының солтүстік жартысында күндіз кей жерлерде қатты жаңбыр жауып, күн күркірейді, облыс орталығында солтүстікте және шығыста найзағай ойнайды, бұрқасын соғады, түнде және таңертең облыс орталығында және шығысында тұман түседі. Солтүстік-шығыстан жел соғады, күндіз облыстың солтүстігінде, шығысында, оңтүстігінде жылдамдығы 15-20 м/с-ке жетеді. Облыстың батысы мен оңтүстігінде жоғары өрт қаупі сақталады.
Қарағанды: 15 мамырда найзағай ойнайды. Күндіз солтүстік-шығыстан соғатын желдің екпіні 15-20 м/с.
15 мамырда түнде Ақтөбе облысының солтүстігінде - 2 градусқа дейін үсік жүреді. Облыстың оңтүстігінде жоғары өрт қаупі сақталады.
Күндіз Жамбыл облысының таулы аймақтарында найзағай ойнап, жауын-шашын болады. Жел оңтүстік-шығыстан солтүстік-батысқа ауысады, оңтүстік-батыста, солтүстік-шығыста, облыстың таулы аймақтарында желдің жылдамдығы секундына 15-20 метрге жетеді.
Тараз: 15 мамырда оңтүстік-шығыстан жел соғады, күндіз солтүстік-батысқа ауысады, екпіні 15-20 м/с.
Қызылорда облысының шығысында найзағай ойнайды. Облыстың батысында және шығысында жоғары өрт қаупі сақталады.
15 мамырда Ақмола облысының шығыс жартысында найзағай ойнайды. Түнде және таңертең облыстың батысы мен оңтүстігінде тұман түседі. Облыстың батысында, шығысында, оңтүстігінде солтүстік-шығыстан жел соғады, екпіні 15-20 м/с. Түнде облыстың батысы мен солтүстігінде 2 градус аяз болады.
15 мамырда Павлодар облысының оңтүстігі мен шығысында қатты жаңбыр жауып, күн күркірейді. Найзағай кезінде солтүстіктен соғатын желдің екпіні 15-20 м/с.
