Талдықорғанда 1284 дана вейп сатпақ болған екі жігіт ұсталды
ТАЛДЫҚОРҒАН. KAZINFORM - Жетісу облысында жедел іс-шара барысында заңсыз вейп сатпақшы болған екі ер адам ұсталды. 18 және 22 жастағы азаматтардың бірі тауарды жеткізіп беруші, екіншісі сатушы екені анықталды.
Облыстық полиция департаменті баспасөз қызметінің мәліметінше, тінту нәтижесінде құқық қорғау органдары 1284 дана вейп тәркілеген.
Жетісу облысы Полиция департаментінің Криминалдық полиция басқармасының қызметкерлері, Есірткі қылмысына қарсы іс-қимыл басқармасының қызметкерлерімен бірлесіп аталмыш факті бойынша сотқа дейінгі тергеп-тексеруді бастады.
Еске сала кетейік, бұған дейін Алматы қаласында онлайн сатылымға шығарылған 8 мың дана вейптің тәркіленгені жөнінде жазғанбыз.
Сондай-ақ, Алматы облысында құны 2 млн теңге болатын вейптер тәркілен болатын.
