Tartyl fest: Турникке тартылу фестивалі бүгін Қызылордада өтеді
Аталған шара бұқаралық спортты дамыту және жастарды салауатты өмірге баулу мақсатында қолға алынған. Фестиваль қалалық мәдени және демалыс паркінде өтеді. Қатысушыларды тіркеу 9:00-11:00 аралығында жүргізіледі. 26 шілде, яғни кеше кешке дейін 500-ге жуық қызылордалық тұрғын фестивальде бақ сынауға ниет білдірген.
Жарыстың басталу уақыты - 19:00. Жүлде қоры - 3 млн теңге.
Фестиваль қонақтары - Нұрлан Қоянбаев, Мирас Жүгінісов.
Сондай-ақ, фестиваль аясында қызылордалықтар эстрада жұлдызы Мирас Жүгінісовтің концертін тамашалайды. Концерттің басталуы - 22:00-ге белгіленген.
Қатысушылар категориясы:
18 жасқа дейін (жасөспірімдер):
1) салмақ – 55 кг дейін;
2) салмақ – 55 кг бастап 70 кг дейін;
3) салмақ – 70 кг бастап жоғары қарай
18 жастан 30 жасқа дейін (жастар):
4) салмақ – 65 кг дейін;
5) салмақ – 65 кг бастап 80 кг дейін;
6) салмақ – 80 кг бастап жоғары қарай;
30 жастан жоғары қарай (үлкендер):
7) салмақ– 80 кг бастап;
8) салмақ – 80 кг бастап 90 кг дейін;
9) салмақ – 90 кг бастап жоғары қарай.
Әр қаладағы жүлде қоры:
1 орын - 200 000 тг;
2 орын - 100 000 тг;
3 орын 50 000 тг;
Гранд финалдың жүлде қоры:
1 орын - 3 000 000 тг;
2 орын 2 000 000 тг;
3 орын 1 000 000 тг;
Гранд финал Нұр-Сұлтан қаласында 8 қыркүйек күні өтеді.
Еске салсақ, «Tartyl Fest» турникке тартылу бойынша республикалық спорт фестивалі Қонаев қаласында басталған болатын .
Сондай-ақ, бұған дейін фестиваль Талдықорған, Алматы, Тараз, Шымкент, Түркістан қалаларында жалғасын тапты .
Шымкенттік тұрғын Азамат Сапар турникке 41 рет тартылып, рекордтық көрсеткішті жаңартты.
Айта кетсек, фестиваль 10 шілде мен 6 қыркүйек аралығында өткізіледі, еліміздің 20 қаласында ұйымдастырылып, әр қаладан 27 жеңімпаз анықталады. Олар Нұр-Сұлтан қаласында өтетін гранд-финалға қатысады деген жоспар бар.
Гранд-финалдың жүлде қоры - 54 млн теңге. Ал, гранд-финал чемпиондары Street Workout бойынша әлем чемпионатына қатыса алады.