Тәжікстандағы парламент сайлауын ЕҚЫҰ байқаушылары қадағаламайды

ДУШАНБЕ. KAZINFORM – Еуропадағы қауіпсіздік және ынтымақтастық ұйымы (ЕҚЫҰ) Тәжікстандағы парламент сайлауын қадағалайтын байқаушылар миссиясын тоқтатуға мәжбүр, деп хабарлайды Kazinform агенттігі. 

– Сайлауға бір айдан аз уақыт қалды. Бұл ретте біздің байқаушыларға ресми кепілдіктің берілмеуі бақылау жүргізу миссиясын күрделендіре түсті, - деп мәлім етті ЕҚЫҰ Демократиялық институттар және адам құқықтары жөніндегі бюросынан. 

Айта кетейік, Тәжікстан парламентінің төменгі палатасына депутаттарды сайлау 2 наурызға жоспарланса, жоғары палатадағы саяси дода 28 наурызға белгіленген. 

– Сайлауды бақылау миссиясы 22 қаңтарда ашылғанымен, Душанбедегі сарапшылар тобы жұмысқа кірісе алмады. Байқаушыларды тіркеудің ұзаққа созылуы қадағалау процесін ұйымдастыруға айтарлықтай әсер етті, - делінген Демократиялық институттар және адам құқықтары жөніндегі бюросының хабарламасында. 

Еске салайық, бұған дейін Қазақстан стратегиялық қарым-қатынастар шеңберінде гуманитарлық көмек көрсетіп, Тәжікстанға 5 мың тонна мазут пен азық-түлік жіберді. 

Сонымен қатар Қырғызстан мен Тәжікстан таяуда шекара мәселемін келісті.