Текеліде жасөспірім қызды жыныстық қызмет көрсетуге итермелеген әйел адам ұсталды

ТАЛДЫҚОРҒАН. 17 наурыз. ҚазАқпарат - Алматы облысында полицейлер Текелі қаласының тұрғыны - 27 жасар жеңгетайды ұстады.

Әйелге қылмыстық кодекстің үш бабы - «Заңсыз бостандықтан айыру», «Кәмелеттік жасқа толмағанды жезөкшелікке тарту», «Жеңгетайлық» бойынша айып тағылады.

Ұйымдасқан қылмысқа қарсы күрес басқармасынан хабарлағандай, аталмыш әйел Текеліде 2012 жылдың желтоқсан айынан бері із-түссіз жоғалды деп іздестіріліп жүрген кәмелеттік жасқа толмаған талдықорғандық қызды жыныстық қызмет көрсету үшін өз еркінен тыс бостандығынан айырған.

Сонымен бірге қызды жыныстық қызмет көрсету үшін бірнеше рет Талдықорғанға әкеліп отырған.