Теміртауда жоғалып кеткен кәсіпкер іздестірілуде
Облыстық ІІД баспасөз қызметінен хабарланғандай, полиция оны іздеу жұмыстарын бастап кетті.
«Теміртау тұрғынының із-түссіз жоғалуы фактісі бойынша барлық материал бірыңғай сотқа дейінгі тергеу реестріне тіркелген. Полиция басшылығы жедел-іздестіру тобын құрды. Іздеу шаралары жүргізіліп жатыр», - деді облыстық ІІД баспасөз қызметінің басшысы Бақытжан Құдияров.
Жоғалған ер адамның туыстары В.Дашкевич 4 шілде күні белгісіз бағытқа үйден шығып кеткенін айтты. Телефоны жауап бермейді. Оның жақында ғана жиһаз цехын ашқаны белгілі болды.
«Белгілері: бойы 193 см, шашы қара, көзі қоңыр, спорттық дене бітім, салмағы 85 кг, сол қолының иығында тыртық бар», - деп жазылған әлеуметтік желідегі хабарландыруда. Және үстінде көк жазуы бар ақ жейде, көк джинсы, қара туфли, сол қолында алтын жалатылған сағаты болған. Өзімен бірге қара портфелін алып кеткен.