Теннистен Уимблдон турнирінің финалында сирек нәтиже тіркелді

АСТАНА. KAZINFORM — Польша өкілі, әлемнің 4-ракеткасы Ига Швентек әйелдер арасында Уимблдон турнирінің чемпионы атанды.

И.Швентек финалда әлемнің 12-ракеткасы, америкалық Аманда Анисимованы 6:0, 6:0 есебімен тас-талқан етіп ұтты.

Матч небәрі 57 минутқа созылып, И.Швентек 2 эйспен бірге 9 брейк-пойнтың алтауын мүлт жіберген жоқ. 

Мұндай сирек нәтиже Уимблдон жарысының финалында 1911 жылы тіркелген еді. Онда ұлыбританиялық Доротея Ламберт-Чамберс 6:0, 6:0 есебімен жеңіске жеткен. Осы оқиға арада 114 жыл өткенде қайталанып отыр.

А.Анисимова биылғы Уимблдонда алғашқы кездесуінде қазақстандық Юлия Путинцеваны 6:0, 6:0 есебімен ұтқан еді. 

И.Швентек «Үлкен дулыға» турнирінің алты дүркін чемпионы атанып отыр. Ол бұған дейін Ролан Гарроста төрт рет және 2022 жылы АҚШ ашық чемпионатында үздік шыққан еді. Енді Игаға «Үлкен дулыға» турнирлері ішінен бағынбаған белес — Аустралия ашық чемпионаты ғана қалып отыр.

Еске сала кетейік, бұдан бұрын Әмір Омархановтың Уимблдон турнирінің финалынан тыс қалғанын жазған едік.

Теннисші Новак Джоковичтің дәуірі аяқталды ма, соны хабарладық.