01:30, 20 Қараша 2024 | GMT +5
Тоқаев пен Орбан Мажарстан мен Германия арасындағы футбол матчын тамашалады
АСТАНА. KAZINFORM – Қасым-Жомарт Тоқаев пен Виктор Орбан Мажарстан мен Германия құрамалары арасындағы футбол матчын тамашалады.

Будапешт қаласына мемлекеттік сапармен келген Президент Қасым-Жомарт Тоқаев Мажарстан Премьер-министрі Виктор Орбанмен бірге Puskas Arena Park стадионына барды. Онда УЕФА Ұлттар лигасы аясында өтіп жатқан Мажарстан мен Германия құрамалары арасындағы кездесуді көрді.

Еске сала кетейік, бұған дейін Мемлекет басшысының Сербияға ресми сапары аяқталғанын, сондай-ақ Қазақстан Президентінің Мажарстанға мемлекеттік сапармен барғанын жазған едік.