Трамп соңғы 11 аптада алғаш рет әлемнің ең бай 500 адамының тізіміне енді

АСТАНА.KAZINFORM - Дональд Трамп 6 тамыздан бері алғаш рет Bloomberg-тің миллиардерлер индексіне оралды. Оның медиа-стартап акциялары саяси бәс тігулер нарығындағы коэффициенттерімен қатар өсіп келеді.

Бұрынғы президенттің байлығы сейсенбіде 6,5 миллиард долларға өсіп, оны әлемдегі ең бай 500 адам тізімінде 481-орынға орналастырды. Truth Social компаниясына иелік ететін Trump Media & Technology Group корпорациясының құны қыркүйек айының соңынан бастап үш есеге жуық өсіп, оның байлығын арттырды.

Айта кетейік, бұған дейін Маск Трампты қолдау комитетіне кемінде 75 млн доллар бөлгенін жазғанбыз.