Түрікменстанда 500 адамға арналған 30 келілік шұжық шығарылды

АШХАБАД. KAZINFORM - «Täze Aý» компаниясы Түрікменстан өнеркәсіпшілері мен кәсіпкерлері одағының 17 жылдығына арналған көрмеде жаңа өнім – сиыр мен тауық етінен жасалған 30 келілік Aşgabat шұжығын ұсынды, деб хабарлайды «Бизнес Туркменистан» порталы.

- Осындай бір шұжық 500 адамға арналған. Өнім әлі сатылымға шыққан жоқ, бірақ тапсырыс бойынша, негізінен мейрамханалар мен үйлену тойларына арналған, -  делінген компанияның әлеуметтік желідегі парақшасында.

Ет комбинатында санитарлық-гигиеналық нормалар, соның ішінде ет пен ет өнімдеріне халал талаптары қатаң сақталған.

Кәсіпорын күн сайын өндіріс көлемін ұлғайтып, жаңа өнімдерді үнемі енгізіп отырады. Қазіргі таңда кәсіпорында тауық еті мен жұмыртқа өнімдерін қосқанда 500-ге жуық азық-түлік өнімдерінің түрі шығарылады.

Өткен жылы кәсіпкер Бегенч Оразов ет және шұжық өнімдерін, сондай-ақ жартылай фабрикаттарды өндіруге ден қойған «Täze Aý» жаңа өндіріс кешенін іске қосқан еді.

Еске сала кетейік, биыл Жаңаөзен - Түрікменстан жолы орта жөндеуден өтеді.