ҰҚК темекі бұйымдарының ірі партиясын заңсыз өткізбек болғандардың жолын кесті

АСТАНА. KAZINFORM — Жамбыл облысында темекі бұйымдарын заңсыз алып өтпек болғандар қолға түсті. Бұл туралы ҰҚК баспасөз қызметі мәлім етті. 

— 2025 жылдың тамызында ҰҚК Шекара қызметі Жамбыл облысы бойынша департаментімен темекі бұйымдарының ірі партиясын өткізу пунктінен тыс жерде Мемлекеттік шекара арқылы заңсыз алып өту әрекеті тоқтатылды, — делінген хабарламада.

Комитеттің мәліметінше, алдын ала бағалау бойынша құны 146 млн теңгеден асатын 325 500 қорап темекі тәркіленген.  Ұсталған адамдар мен тәркіленген тауар әрі қарай қарау үшін тиісті органдарға берілді.