Үкімет өнімді бөлу жөніндегі келісімдерде елімізге тиімді келіссөздерді жандандыруы қажет — Президент
АСТАНА. KAZINFORM — Қомақты инвестициялар ұзақмерзімді жоспарлауды талап етеді. Бұл туралы Үкіметтің кеңейтілген отырысында Президент Қасым-Жомарт Тоқаев мәлім етті.

— Ірі кен орындарының өнімін бөлу жөніндегі келісімді іске асыру нәтижесінде Қазақстан жаһандық нарыққа қуат көзін сенімді жеткізушіге айналды. Бұл жобалар еліміздің әлеуметтік-экономикалық дамуына айтарлықтай үлес қосады. Сонымен қатар қомақты инвестициялар ұзақмерзімді жоспарлауды талап етеді. Сондықтан Үкімет өнімді бөлу жөніндегі келісімдерді елімізге анағұрлым тиімді әрі жаңа шарттармен ұзарту үшін келіссөздерді жандандыруы қажет, — деді Қасым-Жомарт Тоқаев.
Бұдан бұрын хабарланғандай, Президент Қасым-Жомарт Тоқаевтың төрағалығымен Үкіметтің кеңейтілген отырысы басталды.
Мемлекет басшысы 2024 жылды еліміз оң көрсеткіштермен аяқтағанын айтты.
Сонымен қатар Президенттің сөзінше, Үкімет келешегі зор әрбір орта кәсіпорынның жұмыс жоспарын әзірлейді.