Қолма-қол ақшасыз төлемдер үлесі 85,8 пайыздан асады - Ұлттық банк

АСТАНА. KAZINFORM – Қазақстан Ұлттық банкі «Ұлттық цифрлық қаржы инфрақұрылымын дамыту туралы» (ҰЦҚИ) жылдық есебін жариялады.

Национальный банк Казахстана Қазақстан Ұлттық банкі
Фото: Адлет Беремкулов/ Kazinform

Инфрақұрылымды дамытудың негізгі бағыттары:

  • Цифрлық валютамен операцияларды қоса алғанда, қауіпсіз әрі үздіксіз транзакцияларды қамтамасыз ету.
  • Биометриялық сәйкестендіру мен келісімдерді басқару үшін цифрлық сервистерді енгізу.
  • Ашық API арқылы қатысушылар мен қызметтерді жеткізушілер арасында қауіпсіз дерек алмасу.

2024 жылы ҰЦҚИ-ды дамытудағы негізгі бағыт – төлем инфрақұрылымының жаңа элементтерін құрып, нарыққа қатысушылар арасында қауіпсіз және өзара ашық іс-қимылды қамтамасыз ету үшін қолданыстағы инфрақұрылымды құру. Қазіргі уақытта ҚҰБ инфрақұрылымы тәулігіне 5,9 трлн теңгеге 350 000-нан астам транзакцияны өңдейді және айына 2,5 млн-нан астам цифрлық сәйкестендіру операциясын жүргізеді. 

Айта кетейік, ҰЦҚИ операторы – ҚҰБ Ұлттық төлем корпорациясы.

- Қазақстан одан әрі экономикалық даму үшін берік іргетас құра отырып, қаржы қызметтерін цифрландыруда айтарлықтай жетістіктер көрсетіп отыр. Бүгінде елдің барлық төлем айналымының 89,5 пайызы Ұлттық банк жүйелері арқылы өңделеді, ал қолма-қол ақшасыз төлемдердің үлесі 85,8 пайыздан асады. Бұл көрсеткіш цифрлық технологиялардың қаржы саласына енуінің жоғары деңгейін және елдің заманауи шешімдерді енгізуге дайындығын көрсетеді, - делінген аталған есепте. 

Қаржы жүйесін цифрландырудың негізгі индикаторының бірі – қолма қол ақшасыз операциялардың қарқынды өсуі. 2024 жылы белсенді төлем карталарының саны 8 пайызға артты. Бұл өз кезегінде халықтың қаржы технологияларына сенімінің жоғары деңгейін байқатты. 2024 жылдың бірінші жартыжылдығында әрбір белсенді төлем карточкасын пайдалана отырып, 1,9 млн теңге сомасына орташа есеппен 154 қолма қол ақшасыз операция жүргізілген. 

Сонымен қатар, 2024 жылы POS-терминалдар санының едәуір өсуі байқалды. Былтыр олардың саны 24,6 пайызға өсіп, 1,16 млн құрылғыға жетті. Бұл даму бизнес үшінде, тұтынушылар үшін де электронды төлемдерді пайдалану қолайлылығын арттыруға ықпал етеді. POS-терминалдар инфрақұрылымы цифрлық экономиканы, әсіресе шағын және орта бизнесті ынталандырудың маңызды құралына айналды. 

Еске салсақ, жақында Ұлттық банк ақша айырбастау пункттерін 2 жылда ғимаратын қауіпсіз етуге міндеттеді

Соңғы жаңалықтар