Үндістаннан АҚШ-қа ұшып бара жатқан ұшақ Ақтөбе әуежайына мәжбүрлі түрде қонды

АСТАНА. ҚазАқпарат - Үндістаннан АҚШ-қа ұшқан Air India әуе компаниясының ұшағы Ақтөбе халықаралық әуежайына мәжбүрлі түрде қонды.

Әуежай қызметкерлерінің айтуынша, әуе кемесі таңғы 7-де қонған.

Айта кетейік, бұдан бұрын Мумбаидан Ньюаркке (Нью-Джерси штаты) бет алған AI191 рейсі пайдалану барысындағы қателіктерге байланысты Қазақстанға жіберілгені хабарланған еді. Жолаушылар түгелдей аман-есен қауіпсіз жерге көшірілді.

Үндістандық БАҚ мәліметтері бойынша, ұшақтың жүк бөлігінде өрт дабылы қағылған. Алайда, әуе кемесінен ешқандай өрт немесе түтін табылмады. Қазір арнайы мамандар лайнерді тексеріп жатыр.