Үндістан ғарышқа адам тәрізді робот жібереді
АСТАНА. KAZINFORM – Үнді ғарыштық зерттеулер ұйымы (ISRO) ұшқышсыз үш миссияны жүзеге асыруды жоспарлап отыр. Оның ішінде Гаганьяан ұшырылымына дейін ғарышқа роботты сынақ жүйелеріне жіберу көзделді, деп хабарлайды Kazinform Deccan Herald басылымына сілтеме жасап.
Бұл туралы ISRO ұйымының басшысы В Нараянан мәлімдеді.
Ол Гаганяан миссиясын 2027 жылдың наурыз айына дейін іске қосу үшін бар күш-жігерін салып жатқанын айтты.
– Ұшқышсыз үш миссияны жоспарладық. Біріншісі осы жылдың желтоқсан айында ұшырылады. Біз ғарышқа гуманоидты жібереміз. Ол Робот Вёммитра деп аталады. Егер миссия сәтті болса, 2027 жылы соңғы ұшырылымға дейін 2026 жылы тағы екі миссияны орындаймыз, - деді ол.
Айта кетейік, Гаганьяан – Үндістан тарихындағы алғашқы ғарышқа ұшу бағдарламасы.
Бұған дейін Үндістан қысқа қашықтыққа арналған екі баллистикалық зымыран – Prithvi-II және Agni-I-ді сынақтан сәтті өткізген болатын. Бұл туралы елдің Қорғаныс министрлігі баспасөз хабарламасында мәлім етті.
