USAID-тың барлық қызметкері 30 қыркүйекке дейін жұмыстан босатылады
USAID-тың кейбір функциялары 1 шілдеге дейін АҚШ Мемлекеттік департаментіне беріледі, деп хабарлайды ТАСС.
Reuters агенттігінің мәліметінше, USAID-тің барлық шетелдік миссиялары 2025 қаржы жылында (АҚШ-та 30 қыркүйекте аяқталады) жабылады.
АҚШ Мемлекеттік хатшысы Марко Рубио агенттікті қайта ұйымдастыру барысында USAID-тің кейбір функциялары 1 шілдеге дейін Мемлекеттік департаментке берілетінін мәлімдеді. Ол сондай-ақ «[АҚШ] әкімшілігінің басымдықтарына сәйкес келмейтін» басқа функциялардың тоқтатылатынын айтты.
Еске салсақ, 2025 жылдың қаңтарында АҚШ президенті Дональд Трамптың әкімшілігі күтпеген жерден АҚШ-тың халықаралық даму агенттігі (USAID) арқылы көрсетілетін шетелдік көмектің басым бөлігін 90 күндік шолу жүргізу үшін тоқтатып тастаған болатын.
Ақ үй USAID-тің ондаған жылдар бойы миллиардтаған долларды бақылаусыз, пайдасыз және күмәнді жобаларға жұмсағанын алға тартып отыр.
Бұған дейін USAID-тің 2024 жылы Қазақстанға қанша қаражат бөлгені хабарланған еді.
