UWW 2024 жылы күрес түрлерінен өтетін рейтингілік турнирлер кестесін жариялады
Біріккен күрес әлемі (UWW) 2024 жылы өтетін рейтингілік турнирлер кестесін жариялады, деп хабарлайды Kazinform.
Алғашқы рейтингілік жарыс 10-14 қаңтар күндері Хорватияда өтеді. «Zagreb Open» додасына қазақ балуаны Азамат Дәулетбеков бастаған бірқатар балуан қатысады. Сондай-ақ аталған жарыста әйелдер күресінен Ирина Казюлина (65 келі), Елена Шалыгина (68 келі) және Эльмира Сыздықова (76 келі) боз кілемге шығады.
Азамат Дәулетбеков 1994 жылы дүниеге келген. 2022, 2023 жылдары өткен әлем чемпионатында қола алған. Ал, Азия чемпионатында 2022, 2023 жылдардары жеңіс тұғырына көтерілсе, 2017 жылы күміс, 2018 жылы қола жүлдегер атанды.
6-9 маусым күндері Венгрияның Будапешт қаласында кезекті рейтингілік турнир ұйымдастырылады.
11-16 сәуір аралығында балуандар Қырғызстан астанасы Бішкекте өтетін жыл сайынғы Азия біріншілігінде де рейтингілік ұпайлар үшін күреседі.
Еске салсақ, еркін күрестен тұңғыш әлем чемпионы Ризабек Айтмұхан олимпиадалық салмаққа ауысты. Бұдан бұрын оның UWW таңдаған үздік 5 балуанның қатарына енгенін жазған болатынбыз.
