Ұйымдасқан қылмыстық топ Amazon-нан 83 млн доллардан астам сомаға тауар ұрлаған

АСТАНА. KAZINFORM – АҚШ-та ұйымдасқан қылмыстық топ мүшелеріне Amazon сайтынан 83 млн доллардан астам сомаға тауар ұрлады деген айып тағылды, деп хабарлайды NBC News. 

Әділет министрлігінің мәліметінше, қылмыскерлер бұл схеманы Калифорнияда 2021 жылдан бері қолданып келген. Олар өздерін жүк көлігінің жүргізушісі ретінде көрсетіп, тауарларды өндірушілердің Amazon-ға арналған қоймаларынан тасымалдады. 

Әділет департаментінің мәлімдеуінше, алаяқтар Amazon Relay қосымшасы арқылы жүк тасымалдау бағыттарын алған төрт компания – AK Transportation, NBA Holdings, Belman Transport және Markos Transportation-ды басқарған. 

Әділет министрлігінің шенеуніктері айыпталушыларды адам өлтіруге оқталу, адам ұрлау, атыс қаруын заңсыз сақтау және денсаулық сақтау саласындағы алаяқтық сияқты басқа да болжамды қылмыстармен байланыстырды. 13 айыпталушының Лос-Анджелестегі АҚШ округтік сотында және біреуі Флорида штатындағы Форт-Лодердейл сотында жауап береді деп күтіліп отыр. 

Бұған дейін Amazon 20 жылда алғаш рет компания логотипін өзгерткенін жазған болатынбыз.