Ұзақ уақыт бойы ауырған Рим Папасы алғаш рет көпшілік алдына шықты

АСТАНА. KAZINFORM — Рим Папасы Франциск ақпан айында ауруханаға түскеннен кейін алғаш рет көпшілік алдына шықты, деп хабарлайды ВВС.

Ауруханадан шығар алдында ол балконға шығып, медициналық мекеме алдына жиналғандарға батасын берді. Понтификтің көпшілік алдына алғаш шығуы Ватикандағы Әулие Петр алаңындағы үлкен экранда да көрсетілді.

88 жастағы Рим Папасы екі жақты пневмониядан кейін қалпына келіп жатыр. Дәрігерлердің сөзінше, оған енді стационарлық ем қажет емес, бірақ толық қалпына келу үшін кем дегенде екі ай қажет.

Бұған дейін хабарлағанымыздай, Рим Папасының ауруханадан шығатын күні белгілі болды.

Сонымен қатар, Ватикан Рим папасының ауруханаға түскеннен кейінгі алғашқы фотосуретін жариялады.