Венесуэлада 6,2 балдық жер сілкінісі тіркелді

АСТАНА. KAZINFORM — Венесуэланың батысында 6,2 балдық жер сілкінісі болды, деп хабарлайды Report.

Табиғи апат туралы Еуропа-Жерорта теңізі сейсмологиялық орталығы жариялаған.

Жер сілкінісінің ошағы 244 мың адам тұратын Валера қаласынан солтүстік-батысқа қарай 68 шақырым жерде орналасқан. Жерасты дүмпулері 8 шақырым тереңдікте болған.

Әзірге табиғи апаттан зардап шеккендер және қираған ғимараттар туралы ақпарат жоқ.

Еске салайық, Камчаткада бір тәулікте 130-дан астам жер сілкінісі тіркелген.

Сондай-ақ Тынық мұхитында магнитудасы 6,8 балдық жер сілкінісі болды.