Владимир Зеленский Эр-Риядта тақ мұрагері Мұхаммед бен Салманмен кездеседі

АСТАНА. KAZINFORM – Украина президенті Владимир Зеленский украиналық дипломаттардың америкалық командамен кездесуі қарсаңында Эр-Риядқа аттанады, деп хабарлайды Kazinform euronews арнасына сілтеме жасап.

Атап айтқанда, оның мұрагер ханзада Мұхаммед бен Салманмен кездесуі жоспарланған. Киев делегациясы мен америкалық дипломаттар арасындағы келіссөздердің өзі сейсенбі, 11 наурызға жоспарланған. 

ТАСС агенттігінің мәліметінше, осы аптада Сауд Арабиясында Ресей Федерациясы мен АҚШ арасындағы келіссөздердің жаңа раунды жоспарланбаған және америкалық тараптан тиісті ақпарат түспеген. Бұл туралы РФ СІМ баспасөз хатшысы Мария Захарова хабарлаған. 

Еске сала кетейік, бұған дейін Владимир Зеленский Еуроодақ саммитіне барғанын жазған едік.