Зеленский АҚШ-пен сирек кездесетін минералдар туралы келісімге қол қоюға дайын екенін мәлімдеді

АСТАНА. KAZINFORM – Украина президенті Владимир Зеленский егер тараптар бұған дайын болса, Украина АҚШ-пен сирек кездесетін жер элементтерін инвестициялауға бағытталған келісімге қол қоюға дайын екенін айтты. Бұл туралы Анадолы жазды.

Лондонда ұйымдастырылған Украина бойынша көшбасшылар саммитіне қатысқан Зеленский Украинаға оралмас бұрын Стэнстед әуежайында журналистермен кездесті.

АҚШ президенті Дональд Трамппен Ақ үйдегі шиеленісті талқылаудан кейін жер концессиясын талқылау мүмкіндігі туралы сұраққа Зеленский тікелей жауап бермей: 

– Мен Украинаның ұстанымын тыңдағанды қалаймын, – деді.

Ол арада түсініксіз жағдай болғанын қаламайтынын баса айтты. 

Сондай-ақ, Зеленский тараптар ымыраға келсе, Америка Құрама Штаттарымен сирек кездесетін жер элементтері туралы келісімге министр қол қоюға дайын екенін атап өтті. 

– Біздің саясатымыз – бұрын жасалғанды жалғастыру. Келісімге келетін болсақ, оған қол қоюға дайынбыз, – деді ол.

Зеленский сондай-ақ Украина үшін ең жақсы қауіпсіздік кепілі «Украинаның күшті армиясы» деген пікір білдірді. Ол Украинаның АҚШ-пен қарым-қатынасының жалғасатынын атап өтіп, 28 ақпанда Ақ үйде Трамппен болған шиеленіс «Украинадағы бейбітшілік үшін оң немесе теріс өзгерістер әкелмегенін» айтты.

Ол болашақта конструктивті келіссөздер арқылы «оң нәтижелер болады» деп сендірді.

Зеленский сондай-ақ Украина НАТО-ға қабылданса, отставкаға кетуге дайын екенін айтты. 

– Мен НАТО-ға айырбас жасауға дайынмын. Мен мұндай алмасуға келісе алатынымды айттым, егер НАТО қабылдаса, онда мен өз тапсырмамды орындағаным, – деді ол.

Айта кетейік, Трамп пен Зеленский арасында минералдар бойынша келісімге қол қойылмай қалған болатын.

Вэнс Украина президентін АҚШ-қа құрметсіздік танытты деп айыптады.

Украина Ұлыбританиядан 3,2 миллиард доллар қорғаныс несиесін алады.

Зеленский Ұлыбритания королі ІІІ Чарльзбен кездесті.