Жамбыл полиция департаменті басшысының орынбасары қызметтен қуылып, артынша қамауға алынды

АСТАНА. KAZINFORM — Ішкі істер министрлігі Жамбыл облысында полиция департаменті басшысының орынбасары қызметтен қуылып, қамауға алынғанын растады.

Министрліктің мәліметі бойынша ол заңға қайшы әрекет жасады деген күдікке ілінген.

— ІІМ Ішкі қауіпсіздік департаменті Жамбыл облыстық полиция департаменті басшысының бұрынғы орынбасарын ұстады. 2025 жылдың 29 тамызында ол жағымсыз себептермен жұмыстан қуылған болатын, — деп жазылған ресми мәліметте.

Қазір ол күдікті ретінде уақытша ұстау изоляторында отыр. Сотқа дейінгі тергеу басталған.

Кеше ғана Ішкі істер министрі Ержан Сәденов елімізде қылмыс саны 13%-ға төмендегенін мәлімдеген болатын.