Жамбыл облысында жол-көлік оқиғасына себепші болған полиция капитаны көлікті мас күйінде жүргізген

ТАРАЗ. 18 ақпан. ҚазАқпарат - Жамбыл облысында жол-көлік оқиғасына себепші болған полиция капитаны көлікті мас күйінде жүргізген, деп хабарланды Жамбыл облысы ІІД жол полиция басқармасының баспасөз қызметінен.
None
None

Естеріңізге сала кетейік, өткен демалыста Жамбыл облысында, жергілікті маңыздағы Аса-Тараз күре жолының 15 шақырымында төрт адамның өліміне және екі адамның ауыр жарақаттар алуына әкеп соққан жол-көлік оқиғасы тіркелді.

Тараз қаласына бағыт алған «Мицубиши-Паджеро» көлігінің жүргізушісі рульге ие бола алмай, қарсы бағытқа шығып кетіп «ГАЗ-3110416» көлігімен соқтығысты. Апат кезінде «Волгада» алты адам болған.
«ГАЗ-3110» көлігінің жүргізушісі және екі жолаушы - 61 жасар әйел мен 2 жасар бала оқиға орнында көз жұмды. Тағы бір әйел Аса ауылының аудандық ауруханасының жансақтау бөлімінде мерт болды.

Бұл көлікте апаттан жарақаттанған екі адам түрлі дәрежедегі жарақаттармен Тараз қалалық № 1 ауруханасының жансақтау бөліміне жеткізілді.

«Жол-көлік оқиғасына Жамбыл облысы АІІБ полициясының учаскелік инспекторы кінәлі болып шықты, ол түрлі дене жарақаттарымен қалалық ауруханаға жеткізілді», - деп хабарланды ведомствоның баспасөз қызметінен. - Сот-медицина сараптамасының қорытындысы бойынша, апат орын алған кезде полиция капитаны орта дәрежеде мас болған».


Полиция қызметкеріне қатысты ҚР ҚК 296 бабы, 3 бөлімі (Жол қозғалысы ережелерін бұзу) бойынша қылмыстық іс қозғалды. Қосымша сот-медициналық және көлік-трансологиялық сараптамалар белгіленді. ІІД-нің қызметкеріне қатысты қызметтік тергеу амалдары басталды», - деді Жамбыл облысы ІІД тергеу басқармасының бастығы, полиция полковнигі Серік Зұлқарнаев.

Соңғы жаңалықтар