Жантүршігерлік апат: Атырау облысында үш адам тірідей жанып кетті

АСТАНА. ҚазАқпарат - 7 тамызға қараған түні жантүршігерлік апат орын алды, деп хабарлады "Мой ГОРОД" порталы. 

Атырау-Индер тас жолының 165 шақырымында жеңіл көлік пен жүк көлігі соқтығысты.

 «Апат түнгі сағат 12-де болды. "Мерседес Бенс" маркалы көлік қарсы жолаққа шығып кетіп, "МАЗ 54 4008" жүк көлігімен соқтығысты. Салдарынан жеңіл көлік өртке оранып, жүргізуші және екі жолаушы тірідей жанып кетті», - деп хабарлады Атырау облысы ІІД баспасөз қызметінде.

БҚО тұрғыны  - жүк көлігінің жүргізушісі зардап шеккен жоқ. «Жеңіл көліктің жүргізушісі  Атырау облысының тұрғыны екені белгілі, басқа қаза болғандардың кім екені анықталуда», - деп нақтылады баспасөз қызметінде.