Жапонияның оңтүстік батысында 400-ден астам жерасты дүмпуі тіркелді

АСТАНА. KAZINFORM – Сенбі күні Кагосима префектурасында, Токара аралдарының айналасындағы теңізде Жапонияның сейсмикалық жиілік шкаласы бойынша 1 – 7 балл аралығында 400-ден астам жерасты дүмпуі тіркелді, деп хабарлайды NHK World-Japan.

Жапонияның метеорология басқармасы өңір тұрғындарына соңғы дүмпулердің бұрынғыға қарағанда жиі болғанын назарға ала отырып, қуатты дүмпу болу ықтималдылығына байланысты сақтық танытуға шақырды.

Жергілікті уақыт бойынша сағат 16:00-де 1 және одан жоғары балдық жиілікпен 432 дүмпу тіркелген.

Ең қуатты 5,1 магнитудалық жер сілкінісі жексенбі күні Акусэкидзима аралында болған. Оның жиілігі 4 балды құрады.

Метеоролгиялық басқарма қызметкерлері біраз уақытқа дейін қуатты жерасты дүмпулерінен сақ болуға шақырды.

Олар сейсмикалық белсенділіктің айларға созылған кездері болғанын еске салды.

Осыған дейін жерасты дүмпулері Түркияда тіркелген еді.