Жібек Құламбаева Болгариядағы жарыстың финалына жолдама алды
АСТАНА. KAZINFORM – Қазақстан ұлттық құрамасының мүшесі Жібек Құламбаева жұптық сында Хасково (Болгария) ITF W50 турнирінің финалына шықты.
Украиналық Валерия Страховамен бірге жарыстың бірінші ракеткасы болып тіркелген қазақстандық теннисші жартылай финалда болгариялықтар Ралица Александрова - Валерия Гарневскамен шеберлік байқасты.
Бірінші партияда қазақстандық-украиналық жұп 5:1 есебімен алға кетті. Сол басымдылығынан айырыла қойған жоқ – 6:2.
Екінші сетте Құламбаева мен Страхова тағы да 4:1 есебімен алға шыққанымен, болгариялық жұп таразы басын теңестірді – 4:4. Дегенмен Жібек пен Валерия тағы бір брейкке қол жеткізіп, матчты жеңіспен түйіндеді – 6:4.
Бәсеке сағат жарымға жуық уақытқа созылды.
Жібек Құламбаева мен Валерия Страхова финалда грекиялық Марта Матула - америкалық Хиба Шайхпен бас жүлдеге таласады.
Бүгін Ж.Құламбаева жекелей сындағы кездесуін де өткізді. Ширек финалда Жібек әлемнің 244-інші, осы доданың бірінші ракеткасы, франциялық Селена Яничиевчке есе жіберді – 3:6, 3:6. Бұл тартысты ойын 1 сағат 44 минутта аяқталды.
Еске сала кетейік, бұдан бұрын Соня Жиенбаеваның Қытайдағы турнирде чемпиондық атаққа таласатынын жазған едік.
