Жетісуда жол апатынан 4 адам қайтыс болды
ТАЛДЫҚОРҒАН. KAZINFORM - Алматы-Өскемен тас жолының 271-шақырымында жол көлік оқисы болды. 4 адам көз жұмды.
Жетісу облысы полиция департаментінің мәліметінше, Ауди автокөлігінің жүргізушісі рөлге ие бола алмай, жолдың ортасында тұрған ағашқа соғылған. Апат салдарынан жүргізуші мен 3 жолаушы оқиға орнында қаза тапты, тағы бір жолаушы түрлі жарақаттармен ауруханаға жеткізілді.
- Аталған факті бойынша қылмыстық іс тіркеліп, тергеу жүргізілуде. Полиция жүргізушілерді жол қозғалысы ережелерін қатаң сақтауға, жылдамдық режимін бұзбауға және жолда аса мұқият болуға шақырады, - делінген Жетісу облысы полиция департаментінің баспасөз қызметі таратқан хабарламада.
Еске салайық осыған дейін Жетісу облысында жол бойындағы темір қоршауға соғылып көлік жүргізушісінің мерт болғанын және Ақмолада полицейлер инсульт алған жүргізушіні құтқарып қалғанын жазғанбыз.
