Жұмыскердің жауапкершілігіне сай ақы төленуі тиіс - «Самұрық-Қазына» сыйақы хақында
«Қазақстан халқына» қорына аударылатын ақша қордың шоттарында резервке қойылған. Мұны брифингі барысында «Самұрық-Қазына» ұлттық әл-ауқат қорының Экономика және қаржы жөніндегі тең басқарушы директоры Мират Өтепов айтты, деп хабарлайды Kazinform.
«Бұл ақпараттың қайта көтеріліп жатқанын біз де байқап отырмыз. Әрбір жұмыстың жауапкершілігі бар. Сондықтан сол жауапкершілігіне байланысты қызмет ақысы төленуі тиіс деп есептейміз», - деп жауап қатты Мират Өтепов Kazinform тілшісінің сауалына орай.
Еске салсақ, Мәжіліс депутаты Ерлан Саиров «Самұрық-Қазына» қоры құрылымындағы компаниялардың қаржылық операцияларын тексеруді сұраған болатын.
https://kaz.inform.kz/news/mazhls-deputati-samurik-kazina-kori-kurilimindagi-basshilardin-kisapsiz-siyakilari-turali-aytti-a8ca35/
Кейін бұған қатысты жауап берген «Самұрық-Қазына» АҚ кооперативті басқару, әлеуметтік-еңбек қатынастары және еңбекті қорғау жөніндегі басқарушы директоры Ғибрат Ауғанов сыйақы саясаты қайта қаралмайтынын айтты.
