АСТАНА. KAZINFORM – Қазақстандық теннисші, әлемнің 798-ракеткасы, 18 жастағы Әмір Омарханов Монастир (Тунис) ITF M15 турнирін жеңіспен бастады.
Жарыстың 5-ракеткасы болып тіркелген Әмір алғашқы айналымда рейтингіде 1 187-орындағы италиялық, 22 жастағы Леонардо Примуччидің мысын басты.
Аса тартысты өткен бәсекеде бірінші сетте италиялық спортшы тай-брейкте басым түсті – 7:6 (7:5). Дегенмен бұдан кейін Ә.Омарханов таразы басын аудара білді – 6:4, 6:2.
Әмір Омарханов ширек финалға шығу үшін рейтингіде 1 100-сатыдағы оңтүстіккореялық Ким Джун Гунмен таласады.
Қазақстандық жас теннисшіге рейтингілік ұпай қорын молайту үшін осындай додаларда барынша сәтті өнер көрсету керек-ақ.
Еске сала кетейік, бұдан бұрын Заңғар Нұрланұлының әлемдік рейтингіде ТОП-10-ға кіргенін жазған едік.
Сондай-ақ Дэвис кубогында Қазақстан мен Монако құрамында кімдер ойнайтыны хабарланды.
Елена Рыбакина эйс саны бойынша көш бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).