АҚТӨБЕ. KAZINFORM – Самара – Шымкент тасжолының Ырғыз ауданы аумағында екі жүк көлігі соқтығысты. Салдарынан екі көліктің де жүргізушісі сол жерде көз жұмды.
Оқиға сағат 15:30 шамасында Самара – Шымкент тасжолында болды. Облыстық ПД баспасөз қызметінің хабарлауынша, Алматыдан шыққан жүк көлігінің жүргізушісі қарсы бағыттағы жолаққа шығып кеткен. Рульде Тәжікстан азаматы болған. Салдарынан қарсы келе жатқан жүк көлігімен соқтығысып, 50 және 21 жастағы қос жүргізуші көз жұмды. Жүк көлігінің бірі жеңіл көлік тасымалдаған.
Еске салсақ, Самара – Шымкент тасжолында шағын автобус пен жеңіл көлік соқтығысып, бір жолаушы көз жұмды. Тағы 11 адам амбулаторлық ем алуға үйіне жіберілді.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.