Алматыда судың лайлануынан шағын ауданда су беру тоқталды

АЛМАТЫ. KAZINFORM — Алматының «Қарағайлы» шағын ауданында су беру уақытша шектелді.

Фото: Kazinform

Наурызбай ауданы әкімдігінің мәліметінше, бүгін сағат 16:50–дегі жағдай бойынша «Қарағайлы» су алу нысанындағы судың лайлылығы өте жоғары болып тұр, судың мөлдірлігі — 0 см. Осыған байланысты тұрғындарға ауыз су беру уақытша тоқтатылды.

Еске салайық, кейінгі күндері Алматыда сел қаупі күшейді. Осы орайда, қалада жауын-шашын мен су деңгейі көтерілуінің салдары қандай екенін жазғанбыз.

Ал Алматы облысының Қарасай ауданында жергілікті ауқымдағы төтенше жағдай жарияланды.

Сондай-ақ Алматы облысында Ақсай өзені тасуынан су желісі зақымданды.