АСТАНА. KAZINFORM – Қазақстандық теннисші, әлемнің 771-ракеткасы, 18 жастағы Әмір Омарханов Монастир (Тунис) ITF M15 турнирінің финалына жолдама алды.
Қазақстандық теннисші жартылай финалда дүниежүзілік рейтингіде 839-сатыдағы германиялық Лука Виденманмен шеберлік байқасты.
Әмір өткен аптада Монастирдегі осындай жарыстың жартылай финалында Л.Виденманнан6:4, 6:1 есебімен басым түскен еді.
Бұл жолы бәсеке әлдеқайда тартысты өтіп, үш сетке созылды. Әмір Омарханов камбэк жасап, қарсыласын 4:6, 7:5, 7:6 (8:6) есебімен жеңді.
Ә.Омарханов финалда әлемнің 382-ракеткасы, түркиялық Мерт Алкаямен чемпиондық атақты сарапқа салады.
Еске сала кетейік, бұдан бұрын Әмір Омархановтың Тунистегі жарыстың жартылай финалына жолдама алғанын жазған болатынбыз.
Сондай-ақ Александр Шевченко Майами мастерс турнирінің екінші айналымына шықты.
Майами мастерс турнирінде Путинцеваны жеңген Рыбакина үшінші айналымға өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).