Қазақстанның жұптық сындағы бірінші, әлемнің 44-ракеткасы Анна Данилина Хобарт (Аустралия) WTA 250 турнирінің жартылай финалына шықты, деп хабарлайды Kazinform.
Жарыстың 4-ракеткасы болып тіркелген Анна Данилина украиналық Надежда Киченокпен бірге ширек финалда аргентиналық Надя Подороска – мысырлық Маяр Шерифпен кездесуі керек еді.
Алайда Н.Подороска – М.Шериф матчқа шықпай қалды да, қазақстандық-украиналық жұп ойнамастан жартылай финалға жолдама алды.
Анна Данилина – Надежда Киченок соңғы бәсекеге шығу үшін қытайлықтар Ханью Гуо – Синью Яньмен таласады.
Еске сала кетейік, бұдан бұрын Бейбіт Жұқаевтың Аустралия ашық чемпионатын жеңіспен бастағанын жазған болатынбыз.
Сондай-ақ Александр Бублик 21 эйс жасап, Аделаиде турнирінің ширек финалына өтті.
Елена Рыбакина Аустралиядағы тағы бір ірі жарысты сәтті бастады.
Юлия Путинцева Хобарт турнирінің ширек финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).