АСТАНА. ҚазАқпарат – Иорданияның Амман қаласында бокстан өтіп жатқан Азия чемпионатында 19 жастағы Санжар Тәшкенбай жартылай финалға жолдама алды, деп хабарлайды ҚазАқпарат тілшісі.
Жастар арасында әлем және Азия чемпионы С.Тәшкенбай 48 келіге дейінгі салмақта қырғызстандық Мирлан Туркбай уулумен шеберлік байқасты.
Бойы да, қолы да ұзын Санжар жылдам қимылдап, қарсыласына соққыларын дәл жұмсай білді. Төрешілер есебі – 5:0.
Осылайша, С.Тәшкенбай жартылай финалға шығып, жүлдегерлер қатарына қосылды.
Санжар Тәшкенбай бастапқы жекпе-жегінде басты қарсыласының бірі – өзбекстандық Асилбек Джалиловты 5:0 есебімен ұтқан болатын.
Еске сала кетейік, бұдан бұрын бокстан Азия чемпионатында Қазақстан қоржынына сегізінші медаль түскенін жазған болатынбыз.
Азия чемпионатында қазақстандық жеті боксшының сынға түсетіні хабарланды.
Азия чемпионатында Махмуд Сабырхан мен Серік Теміржанов жүлде алды.
Бұған дейін тағы бір қазақстандық боксшы жүлдеге ілікті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).