ОРАЛ. KAZINFORM — Батыс Қазақстан облысы әкімдігінің қаулысы негізінде өңірде жоғары өрт қаупі кезеңінде арнайы шектеулер күшіне енді.
БҚО әкімінің баспасөз қызметінен мәлім еткеніндей, күн сайын сағат 11.00-ден 20.00-ге дейін жеке тұлғалардың орманға баруына және демалуына, сондай-ақ көлік құралдарының тоғай ішіне кіруіне қатаң тыйым салынады.
Құжатқа сәйкес бұл талап ауа райы толық тұрақталғанға дейін, яғни температура төмендегенше сақталады.
- Өрт қауіпсіздігі ережелерін бұзған және әкімдік қаулысының талаптарын елемеген азаматтар Қазақстан Республикасы Әкімшілік құқық бұзушылық туралы кодексінің 367-бабына сәйкес жауапкершілікке тартылады, - делінген ресми мәліметте.
Еске сала кетейік, бұдан бұрын Орал қаласында саяжайлар жарықсыз қалғанын жазған едік.
Сондай-ақ Орал қаласында Хан тоғайы отқа оранды.
Оралда қатты тұрмыстық қалдықтар полигоны өртеніп жатыр.
Оралда төтенше жағдай жарияланды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).