АСТАНА. KAZINFORM – Таиланд корольдігінің Чиангмай қаласында бокстан ерлер және әйелдер арасында өтіп жатқан Азия чемпионатында бүгін қазақстандықтардан соңғы болып Виктория Графеева рингке көтерілді.
В.Графеева 60 келіге дейінгі салмақта тайбэйлік Чень Сюань Енмен қолғап түйістірді.
Виктория қолы мен бойының ұзындығын пайдаланып, қарсыласын бірінші раундта-ақ нокдаунға жіберді. Екінші кезеңде тайбэйлік боксшы үшінші нокдаунын алғаннан кейін рефери жекпе-жекті тоқтатты.
Осылайша, бейсенбі күні шаршы алаңға шыққан алты қазақстандық боксшының бесеуі жартылай финалға жолдама алды.
Еске сала кетейік, бұдан бұрын бокстан Азия чемпионатында Оразбек Асылқұловтың шаршы алаң иесін қапы қалдырғанын жазған болатынбыз.
Сондай-ақ Ерасыл Жақпеков жартылай финалға өтті.
Жазира Орақбаева бірінші раундта қарсыласын нокаутқа жіберді.
Ұлжан Сәрсенбек қарсыласын айқын басымдылықпен ұтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).