Қазақстанның бірінші, әлемнің 4-ракеткасы Елена Рыбакина Брисбен (Аустралия) WTA 500 турнирінің финалында Беларусь өкілі Арина Соболенкомен ойнайды, деп хабарлайды Kazinform.
Е.Рыбакина осыған дейін әлемнің 2-ракеткасы А.Соболенкомен өзара 9 рет кездесіп, соның алтауында белоруссиялық теннисші басым түсті.
Тек өткен жылдың өзінде олар бес мәрте бақ сынасып, соның екеуінде қазақстандық спортшы жеңіске жетті.
Соның ішінде теннисшілер екі рет финалда бас жүлдені сарапқа салды. Аустралия ашық чемпионатының финалында А.Соболенко 4:6, 6:3, 6:4 есебімен ұтып, жеңімпаз атанды. Кейін Е.Рыбакина Индиан-Уэллс (АҚШ) WTA 1000 жарысының соңғы бәсекесінде қарымта қайырды – 7:6 (13:11), 6:4.
Осылайша, 7 қаңтар күні қос теннисші финалда үшінші рет кездеспек.
Еске сала кетейік, бұдан бұрын Елена Рыбакинаның Брисбен турнирінің финалына шыққанын жазған болатынбыз.
Сондай-ақ Юлия Путинцева Хобарт жарысының іріктеу сайысын сәтті бастады.
Жібек Құламбаева Таиландтағы жарыстың жеңімпазы атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).