НҰР-СҰЛТАН. ҚазАқпарат – Қазақстандық Денис Евсеев жұптық сында Мадрид челленджер турнирінің жартылай финалына шықты, деп хабарлайды ҚазАқпарат тілшісі.
Қазақстандық теннисші түркиялық Алтуг Челикбилекпен бірге ширек финалда уругвайлық Мартин Куэвас – аргентиналық Гильермо Дюранмен кездесті.
Қазақстандық-түркиялық жұп 7:6 (7:2), 6:4 есебімен жеңіске жетті.
Бір сағаттан астам уақытқа созылған бәсеке барысында Д.Евсеев пен А.Челикбилек 1 эйс жасап, 9 брейк-пойнттың үшеуін құр жібермеді. Қарсыластары 5 эйс, 2 брейкпен көзге түсті.
Қазақстандық-түркиялық жұп финалға шығу үшін жарыстың екінші ракеткалары, бразилиялық Рафаэль Матос – испаниялық Давид Вега-Эрнандеспен таласады.
Еске сала кетейік, бұдан бұрын Германияның бірінші ракеткасы Қазақстанмен матчтың қиынға түсетіні туралы айтқанын, Александр Бубликтің Монте-Карло мастерс турнирінің үшінші айналымына шыға алмағанын жазған болатынбыз.
Сондай-ақ Қазақстан – Германия матчының жеребесі тартылды.
Қазақстан құрамасы алғаш рет аймақтық Дэвис кубогының жартылай финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).