АҚТӨБЕ. ҚазАқпарат – Ақтөбе облысы Темір ауданы Шұбарши ауылында мектеп оқушыларының төбелесіне қатысты қозғалған қылмыстық іс қысқартылды, деп хабарлайды ҚазАқпарат тілшісі.
Бұған дейін хабарлағанымыздай, Ақтөбе облысы Темір ауданы Шұбарши ауылында мектеп оқушылары төбелесті. Олардың кім екені анықталған. Бәрі - 8-9 сынып оқушылары. Араларында жанжал болып, бірі оны телефон камерасына түсіріп алған.
Осы оқиғадан соң облыстық ПД баспасөз қызметі Қылмыстық кодекстің 293-бабы 2-бөлігі, яғни бұзақылық дерегі бойынша іс тіркеліп, сотқа дейінгі тергеу жүргізілгенін хабарлаған болатын.
Арада 1 ай өткенде полиция шешім шығарды. «Қылмыстық іс қысқартылды», - деп мәлім етті облыстық ПД баспасөз қызметі.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.