«Полиция департаментінің психологтары аудан тұрғындары мен балаларға көмек көрсетіп жатыр. Қазіргі уақытта үш маман жұмылдырылды. Эвакуацияланғандардың негізгі бөлігі – мектепте. Психологтар балалармен де, ересектермен де жұмыс істейді. Егде жастағы адамдарға ерекше көңіл бөлінеді. Арт-терапия әдістері қолданылып жатыр», - деді аға инспектор, психолог Динара Қыстаубаева.
Жергілікті құзырлы орган дерегінше, психологтар қазіргі таңда өрт шарпыған ауданның 24 тұрғынымен жұмыс жүргізген.
Бұған дейін хабарлағанымыздай, Қостанай облысындағы орман өрті ауылдарға қарай жалындап, тұрғындар эвакуацияланды. Төтенше жағдай министрі Юрий Ильин мәлім еткендей, Аманқарағай ауылында 98 үй өртеніп кетті.