АСТАНА. KAZINFORM — Қазақстан құрамасының мүшесі, әлемнің 457-ракеткасы Жібек Құламбаева жекелей сында Амстелвен (Нидерланд) ITF W35 турнирінің 1/8 финалына шықты.
Додада 11-ракетка болып тіркеліп, жарысты екінші айналымнан бастаған қазақстандық теннисші рейтингіде 685-орындағы бельгиялық Тилвит Ди Гироламидің мысын басты.
Матч 6:4, 6:2 есебімен Жібектің пайдасына шешілді.
Бір сағат 39 минутқа созылған бәсекеде Ж.Құламбаева 4 брейк жасай алды.
Жібек Құламбаева ширек финалға шығу үшін әлемнің 365-ракеткасы, испаниялық Мария Тейшидо Гарсия немесе рейтингіде 711-орындағы Беларусь өкілі Полина Кухаренконың қай жеңгенімен таласады.
Қазақстандық теннисші бельгиялық Полина Бахмуткинамен бірге бүгін жұптық кездесуін де өткізеді.
Еске сала кетейік, бұдан бұрын Елена Рыбакинаның Уимблдон турнирінің екінші айналымына шыққанын жазған едік.
Уимблдон турнирінде Александр Бублик алғашқы қарсыласын камбэкпен жеңді.
Жібек Құламбаева Нидерландтағы турнирде айқын жеңіске қол жеткізді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).