АСТАНА. KAZINFORM — Қазақстандық теннисші, әлемнің 469-ракеткасы Жібек Құламбаева жекелей сында Ченнай (Үндістан) WTA 250 турнирінің іріктеу сайысын сәтті аяқтады.
Жібек іріктеу сайысының финалында әлемнің 257-ракеткасы, жапониялық Мэй Ямагутимен бетпе-бет келді.
Бірінші парияда жапониялық спортшы 6:3 есебімен басым болды. Екіншісінде Ж.Құламбаева дәл сондай есеппен есе қайырды – 6:3. Үшінші, шешуші сетте Жібек тай-брейкте жеңісті жұлып алды – 7:6 (7:4).
Екі сағат 50 минутқа созылған тартысты бәсекеде Құламбаева эйс жасамағанымен, 13 брейк-пойнттың сегізін пайдаланды. Ямагути 1 эйс, 8 брейкпен (11 брейк-пойнт) көзге түсті. Осылайша, Жібек Құламбаева негізгі жарысқа жолдама алды.
Еске сала кетейік, бұдан бұрын Елена Рыбакинаның жарақатына байланысты Токио турнирінің жартылай финалынан тыс қалғанын жазған едік.
Сондай-ақ Жібек Құламбаева Қытайдағы жарыстың финалына бір қадам жетпей тоқтады.
Жібек Құламбаева Үндістандағы жарысты жеңіспен бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).