Ақтөбе қаласындағы жағдай тұрақты әрі толықтай бақылауда - ҚР ІІМ (ВИДЕО)
АСТАНА. ҚазАқпарат - Қазіргі уақытта Ақтөбе қаласындағы жағдай тұрақты, толықтай бақылауда, деп мәлімдеді ҚР ІІМ ресми өкілі Алмас Сәдубаев Ақтөбе қаласындағы 9 маусымдағы жағдай жөнінде.
«Қазіргі уақытта Ақтөбе қаласындағы жағдай тұрақты, толықтай бақылауда. Құқық қорғау органдары қала аумағында қауіпсіздік пен құқықтық тәртіпті қамтамасыз етуде», деді ҚР ІІМ Мемлекеттік тіл және ақпарат департаментінің директоры Алмас Сәдубаев.
Полиция арнайы қызметтермен бірлесе отырып, қалған 6 қылмыскерді іздестіру бойынша кешенді шаралар жүргізуде.
«Ұлттық аза тұту күні Ішкі істер министрлігінде, ішкі істер органдары барлық бөліністерінің, оқу орындары мен басқа да мекемелерінің ғимараттарында мемлекеттік тулар төмен түсірілген. Жеке құраммен аза тұту күніне орай іс-шаралар өтуде», деді министрліктің ресми өкілі.
