Ақтөбе облысында жол қозғалысына шектеу енгізілді

АҚТӨБЕ. KAZINFORM – ҚазАвтоЖол ауа райына байланысты бір өңірде көлік қозғалысына шектеу қойылғанын хабарлады.

 – 4 наурыз сағат 21:30-да ауа райының бұзылуына байланысты республикалық маңызы бар «Қостанай – Рудный – Денисовка – Комсомольское – Қарабұтақ» автожолының 5-234 шақырым аралығында (Қарабұтақ елді мекені – Қостанай облысының шекарасы) жүк және қоғамдық көліктер үшін қозғалысқа уақытша шектеу енгізіледі, - делінген хабарламада. 

Айта кетейік, жолды 5 наурыз сағат 08:00-де ашу жоспарланып отыр. 

Еске салсақ, осыған дейін ауа райына байланысты үш өңірде көлік қозғалысы шектелгенін хабарлағанбыз.