Алматы тұрғындарына түнде жер сілкінісі сезілді

АЛМАТЫ. KAZINFORM — Алматы тұрғындары 22 желтоқсанға қараған түні жер сілкінісін сезді.

Сейсмологтардың мәліметінше, жер сілкінісі 2 балл шамасында сезілді.

ҚР ҰЯО Геофизикалық зерттеулер институтының Қазақстандық деректер орталығының дерегіне сәйкес, жерасты дүмпулері 2025 жылғы 22 желтоқсанда сағат 02:16-да Астана уақытымен (Гринвич бойынша 21 желтоқсан сағат 21:16) Қытай аумағында тіркелген.

Жер сілкінісінің эпицентрінің координаттары: солтүстік ендіктің 41,23 градусы, шығыс бойлықтың 78,87 градусы.

Жер сілкінісінің магнитудасы 5,0, энергетикалық класы — K=11,5.

Еске салайық, бұған дейін Тараз бен Шымкентте 2 баллдық жер сілкінісі сезілгенін хабарлағанбыз.